فى لقاء نادر جدا مع أشهر الجراحين فى العالم والوطن العربى الدكتور نصيف إسماعيل أحمد عفيفى إستشارى الجراحة أهلا بحضرتك يادكتور ….
س:دكتور نصيف قبل ما ندخل فى أى تفاصيل ممكن حضرتك تعرفنا عنك بشكل مفصل ؟
أنا إسمى نصيف إسماعيل أحمد عفيفى إستشارى الجراحة ومن أفضل الجراحات المستحبة ليا جراحة الأطفال وعضو فى مجلس الشيوخ من قرية أجهور الكبرى ,بدأت مشوارى المهنى من القرية كا طبيب بشري وبعد كده دخلت مجال الجراحة بدايه كانت فى مستشفى طوخ المركزى ،وبعد كده فى الساحل التعليمى لمدة ١٠ سنوات، وبعد كده فى مستشفى الأطفال التخصصى فى بنها و كانت بدايه ليا فى تحقيق ذاتى المهنى وطبعا المستشفى دى من أكبر المستشفيات على مستوى الجمهورية بعد مستشفى أبو الريش واللى بنقوم فيها بعمل جميع الجراحات للأطفال.
س:طيب يادكتور ممكن حضرتك تعرفنا عن أكتر العمليات إلى أدت بحضرتك للنجاح المبهر دا؟
تمام…..طبعا جراحات الأطفال اللى قومت بيها كانت من سن يوم الى سن ١٨ سنة وطبعا بتكون منها عمليات زي العيوب الخلقية و زي عيوب الحجاب الحاجز والأعضاء التناسلية بجانب عمليات الأمعاء وغيرها واللي كانت من أكتر العمليات صعوبة لأنها بتحتاج لخبرة وتدريب فى مجال الجراحة عموما والحمد لله إشتغلت أربع سنين نائب مدير وكنت بحضر مؤتمرات دولية كل سنة و كان بيحضرها ناس وأطباء من فرنسا وألمانيا ومع إنها كانت مستشفى تابعه لوزارة الصحة إلا إنها كانت بتتساوى لبعض الجامعات واللى كانت أعلى درجة فى مصر من المستشفيات المحدوده فى جراحات الأطفال لأن الجامعات كلها مفيش فيها جراحة أطفال وقتها ومن الجامعات الأربعة إلى بتشتهر بجراحات الأطفال هى القاهرة والأزهر وعين شمس وطنطا ؛ وبدأت جراحة الأطفال فى ٢٠٠٥م والحمد لله تم عملية فصل توآم ودى كانت من أفضل العمليات ألى إتعملت على مستوى العالم وجلناا وقتها جميع وكالات الأنباء العالمية وغيرها فى بنها ، وقتها المستشار عدلى حسين قال لو كنت بعمل دعاية لا يمكن أعمل دعايه لبنها زي اللي المستشفى عملته؛ وقتها كنت قائد الفريق الطبى وكنت جراح عمليه التجميل في العمليه دي وبعد الانجاز دا استضافتنا إيراوافلى فى أمريكا لمدة أسبوعين على نفقتها الشخصية وكان معاها طفلة تمت لها العملية بحمد الله .
س:دكتور نصيف حبين نعرف بداية عمليات الجراحة التخصصى للأطفال من أى مكان تحديدا ؟ وأه المشروعات إلى حضرتك ساهمت فيها لخدمت المرضى والبلد عموما ؟
فى الحقيقة كانت فى أربع محافظات تابعه لوزارة الصحة زي القاهرة والقليوبية والمنوفية والشرقية ولأن كان عدد الأطباء قليل جدا وقتها فى التخصص جراحة الأطفال ودا أدى أنى إترقيت وقتها الحمد لله لوكيل وزارة وبعد كدة عضو مجلس الشيوخ من ضمن الحاجات إلى عملتها فى القليوبية برده للمعرفة العامة إن إحنا عندنا مركز حروق فى القناطر والمركز دا إتعمل على نفقة السلطان القاسمى حاكم الشارقة ومتكلف حوالى ٨٨٠ مليون ودا الحمد لله بفضل الله كان ليا دور إن المركز دا يتعمل وكمان السلطان ساعد أهل الفكر شهداء رفح الثانية وإلى إتقتل فيها ١٨ واحد فى رمضان وكان السلطان القاسمى متبرع بمئتان ألف لكل أهل شهيد وأولاد من الأسر دى يعنى حضانات او مساجد فى البلد بتاعته فطبعا إقترحت عليه يعمل حاجة فى القناطر تخدم مصر كلها ،برده فى ٣او ٤ مراكز للقوات المسلحة ودى كانت من الحاجات الحلوه إلى بفتخر إن كان ليا يد فيها والحاجة التانية إنى دخلت نائب عام فى عضوية مجلس الشيوخ ودا ساعدنى أقدر اخدم البلد وخدمة المرضى وعمل العمليات.
س: اي أكتر التخصصات إلى بتساعد المرضى و فى خدمة الدولة كلها؟ واي أهم الشهادات إلى حضرتك حصلت عليها؟
من أهم الجراحات العامة فى الأطفال زي الرعاية الدموية وجراحة التجميل كل دول تفرعات وزمان فى إمتحانات الماجستير سنة ١٩٩٣م وهى إللى من أهم الشهدات ليا وواخد ماجستير جراحة عامة وماجستير إدارة ودبلومة ودى كلها شهدات التخصص بجانب شهادات المخ والاعصاب دى جراحة عامة إنما دلوقتى فى لكل عضو فى جسم الانسان جراحة تخصص لوحدة وعملت بردو ماجستير جراحة أطفال واللي من التخصصات اللي مكنتش موجودة زمان وإنها كانت حاجة حلوه جدا وعالية واخد بالك حضرتك وخصوصا لو كان جراحة عام بتكون أحسن بكتير بالإضافة إلى شهدات وتدريبات جراحات التجميل.
س: ممكن حضرتك تعرفنا أه كان سبب بداية مشوارك ونجاحك المهنى هل كانت الحراجات العامة أم جرحات الأطفال وأيهم أفضل؟ وأه التطور الى أحدثته التكنولوجيا فى مجال الجراحة عموما؟
كانت الجراحة العامة ودا بداته فى طوخ وبعد كده القناطر ،ومستشفى الساحل التعليمى إنما دلوقتى أنا متفرغ للعمل الحكومى يعنى وعمل مجلس الشيوخ؛إنما بالنسبة للجراحات العامة فيها جراحة المناظير زي جراحة المرارة والزايده اللى بقت من الجراحات الحديثة إلى إدربت عليها ، ومن أفضل التخصصات المستحبة هى حراجات الأطفال .
وساعدت التكنولوجيا فى الجراحة كانت من بداية ٢٠٠٥م وإحنا من أوائل الناس إلى إستغلت جراحة المناظير فى مستشفى الساحل التعليمى ،وكنا بنعمل الجراحات المناظير زي ما ذكرت لحضرتك للمرارة الزائده وكمان العيوب الخلفية للأطفال وغيرها ،دلوقتى جراجة المناظير إتغيرت دلوقتى بقينا نعمل عمليات الحجاب الحاجز بالأجهزة حتى للاطفال دلوقتى ؛يعنى كنا الأول بنعمل العملية وتتقفل ب ٣أو ٤ غرز دلوقتى بالمناظير ودا لعمليات الحجاب الحاجز إنما بقى المرئ بنفتح أسفل القصبة الهوائية فا بتكون أصعب على المريض بخلاف الوقت الحالي الوضع اسهل مع توفير وقت علي الدكاتره والمريض .
س: دكتور ممكن حضرتك تقولنا ممكن جراحات المناظير توصل تكلفتها أد اي فى وقتنا الراهن؟
جراحات بسيطة بتحتاج للمناظير ،يعنى أعرف ناس معندهاش رحمة أو دين بتاخد فى جراحة المناظير مثلا ٥٠ ألف جنية وطبعا بيندرج على حسب كل جراحة اللي قدامه وعلى حسب الجراحة ودي في الطبيعي المفروض سعرها ٦أو ٧ تلاف جنية ،طبعا بيختلف عن الجراحة اليدوية إلى بدورها أرخص كتير ،إنما جراحة المناظير بتوفر وقت ومجهود سواء للطبيب المعالج أو المريض ومبتبقاش خطيرة وطبعا على وجه المقارنة المناظير أفضل للمريض.
س: ازاي حضرتك كجراح بتقدر تحافظ على سلامة المريض من خلال الوسائل الحديثة؟
لازم طبعا تتعمل فى مكان آمن ومعقم وتانى حاجة لازم يكون عنده خبرة فى الجراحة زي دكتور التخدير ،وميزة المناظير أن الآلم بيكون فيها أقل يعنى المناظير فتحة كدة صغيرة إنما الجراحة اليدوية يتفتح خالص ونقص جدار البطن لغايه ما نوصل لمكان عمل عملية الجراحة المطلوب ،إنما الخياطة فى الجراحة اليدوية بيفضل يتألم منها وفي كل الأحوال المناظير مبتزدش عن ٣ أو ٤ فتحات بس وهى عبارة غرزة غرزتين، وطبعا فى جراحة المناظير المريض بياكل وبيشرب على طول بعد العملية عكس الجراحة اليدوية .
س:طب اي المشاكل إلى بتقابل حضرتك فى العملية ؟
زي مثلا أنت داخل على تشخيص معين من خلال الاشعه ولقيت حاجة تانية فى العملية فابيحصل أوقات نزيف فبضطر أكمل العملية وطبعا مش هسيب المريض يموت .
س:دكتور ممكن حضرتك توضحلنا اي الإلتزمات إلى موجه للطبيب إتجاه المريض وإلعكس ؟
فى حاجة إسمها حقوق المريض وفى حقوق الطبيب ودا بيندرج تحت أنه يعرف العملية والمكان والتكلفة والوقت إلى هيقضيه فى المستشفى وأنه يعرف المضاعفات إلى هتحصله لازم كل دا يتكتب فى تذكرة وإقرار ، اضافه اني مخبيش عنه حاجة عن حالته ومفشيش سره لحد تانى الا لو كان مرض ومصحوب بمرض نفسى فالازم الأهل يعرفوا عشان يقدروا يساعدوه معايا على تخطى المرض .
س:هل فى مخاطر بتقابل حضرتك أثنا أداء العملية الجراحية؟
كتير طبعا يعنى كان فى حالة عندى الأسبوع الماضي جيالى بوجع فى بطنها وصلت لألم رهيب فبلغت والدها أنه يعمل لها أشعة وتحاليل ولما جت بعد كده إكتشفت إن عندها سرطان على المبايض بنسبة ١٠٠٪ يعنى أكيد فحددت معاد لعملية إستأصال الورم وطبعا المبايض والرحم والغدد ومنديل البطن ودة كله عشان نحلله عشان ميعملش إجهاض بعد كدة فالحمد لله دخلت لقيت ٢ كبار جدا فى الأشعة ولما بدأنا العملية ملقتش حاجة فى المبايض لقيت حاجة تانية خالص ،ودى من الحاجات الظريفة إلى قابلتها ،والحمد لله مكنش سرطان ،وفى مريض تانى كان واضح في الاشعه ان عنده إلتهاب فى المرارة والحمد لله مكنتش ملتهبة إنما كان عنده ثقب فى الإثنى عشر ودا طبعا لو جراح مش متدرب أو عنده ثقة بنفسة كان هيقفل ومش هيكمل وفى حاجة تانية إن ممكن يحصل نزيف فابالتالى لازم يأخد قرار سريع عشان يوقف النزيف ومنخسرش المريض.
س: ازاي حضرتك بتتعامل مع رهبة المريض من العمليات أو الكشف عموما ؟
بص هو عموما المريض بيبقى أكيد عنده رهبة وشك وأنا كا دكتور نصيف لازم المريض يبقى عندة ثقة ١٠٠٪ومخوفهوش وعمرى ما أأقوله إنك عندك كذا لان كل دا لازم أخلى الحالة النفسية كويسة ومقولوش على حالتة إلا لما أطمنه وأساعده وأشجعه على المرض دا ،يعنى مثلا لو كان المريض مرحله مرضه حميد أو خبيث فاللي عنده سرطان مثلا بيبداء علاج كيماوى فا بقوله هو فى كذا إنما من وجهه النظر الإجابية إن لسه الموضوع فى بدايته وممكن لو عرف مباشر يغمى عليه أصلا لازم تكون تمهيدى الأول ، يعنى والدى كان عنده سرطان برستاتا كنت وقتها فى سنة ٨٥ أو ٨٤ كنت طالب يعنى وكان الدكتور المعالج لحالته كلمته انه ميعرفش والدي بالمرض اللب عنده بالظبط بحيث انه ميدمرش حالته النفسيه دخلنا للدكتور قال إنت عندك كذا وكان مش راضى يسمعنى وقتها فكان نفسية والدى وحشة جدا لأن كان ليا عم متوفى بنفس المرض دا ومكملش أسبوع وتوفى ودا كله بسبب التأثر النفسى لكن مش من المرض ؛فالحالة النفسية مع المريض عامل مهم جدا عشان يتخطى المرض على الأقل بشكل ميسر .
س :دكتور فى خطوات لازم الطبيب يتبعها ويعملها عشان يقلل من المضاعفات فى الجراحة ممكن حضرتك توضحها ؟
لازم يكون عنده خبرة مش يتعلم على المريض وفى بعض الدكاترة بتحط رجل على رجل وتجيب ناس تحت التدريب تعمل العملية أو تجيب ناس تانية فا لازم يكون فى مهارة ويعمل ويتابع دورات تدريبه يعنى أنا دلوقتى ٦٠ سنة بروح أتعلم تبع دورات المناظير وبأخد دورات تدريبية مش عشان أنا كدة لكن كل يوم فى حاجة جديدة وتطور ملحوظ زي الليزر إلى بنستخدمها فى عمليات التجميل وغيرها .ومنها جراحات الشرج والبواسير وأهمهم جراحة المناظير فهى سهلة جدا ومش خطيرة على المريض .
س:طيب يادكتور تنصح خرجين الجراحة والجيل الجديد فى مجال الجراحة بشكل عام بحاجه ؟
التعامل مع المريض بأمانة ومراعاة الحالة النفسية ،وبالنسبة للمشوار المهنى أن يكون له قدوه يتبعه وكمان التدريب والثقة بالذات والخبرة المستمرة فى مجال الجراحة لأنها مش بتقف على مرحله التعليم الجامعى فقط إنما بتتطور مع التطور السريع للتكنولوجيا الحديثه.
